2019 yil 8 yanvar kuni viloyat hokimligi tashabbusi bilan Samarqand shahrida 14 yanvar - “Vatan himoyachilari kuni”ga bag‘ishlangan “Vatan –muqaddas, uni himoya qilish sharafli burchdir!” shiori ostida yugurish marafoni bo‘lib o‘tdi. 

2019 yil 8 yanvar kuni Samarqand davlat arxitektura qurilish institutida    “2018 yil Faol tadbirkorlik, innovatsion g’oyalar va texnologiyalarni qo’llab quvvatlash  yili” munosabati bilan yil davomida institutda va viloyat miqyosida o’tkazilgan sport tadbirlarida faol ishtirok etgan  36 nafar professor-o’qituvchi va xodimlar  institut “Yoshlar bilan ishlash, ma’naviyat va ma’rifat bo’limi” va    “Xodimlar va talabalar boshlang’ich kasaba uyushmasi”  tomonidan faxriy yorliq va esdalik sovg’alari bilan taqdirlandilar.

Ma’lumki 2018 yil 28 dekabr kuni O’zbekiston Respublikasi Prezidenti Sh. M.Mirziyoyevning 2018 yil yakunlari va 2019 yil uchun mo‘ljallangan eng muhim ustuvor vazifalar haqidagi Oliy Majlisga Murojaatnomasi e’lon qilindi.  

2019 yil 8 yanvar kuni Toshkent shahridagi Xalqaro savdo markazining (ITC) faollar zalida O‘zbekiston ekologik partiyasi ta’sis s’ezdi o‘tkazildi. Ta’sis s’ezdi O’zbekiston ekologik harakati, sog‘liqni saqlash va boshqa sohalardagi davlat va jamoat tashkilotlari vakillari, oliy va o‘rta ta’lim muassasalari professor-o‘qituvchilari, OAV vakillari, jami – 275 nafar shundan 250 nafar delegatlar va 25 nafar tashkilotlardan qatnashdi. 

Oliy va o’rta maxsus ta’lim vazirligining 2018 yil 29-dekabrdagi 87-03-4549 sonli xati asosida 2019 yil 7-8 yanvar kunlari  institut o'quv uslubiy bo’limi hamda “Ijtimoiy fanlar kafedrasi” bilan birgalikda, institut faollar zalida “Oliy ta’limni rivojlantirishning zamonaviy tendentsiyalari: xalqaro tajribalar va O’zbekiston amaliyoti” mavzusida taqdimot materiallari asosida seminarlar tashkil etildi. 

Mehr-oqibat, saxovat va muruvvat, yoshi ulug‘larga hurmat-ehtirom ko‘rsatish xalqimizga xos bebaho fazilatlardir. Faxriylarni e’zozlash, ularga mehr-oqibat ko‘rsatish, oq fotihalarini olish,  keyingi yillarida ma’naviy hayotimizning tom ma’nodagi ajralmas qismiga aylandi. Ayniqsa, bayramlar arafasida ularni holidan xabar olish an’anaga aylanib qolgan. Shu munosabat bilan Samarqand davlat arxitektura-qurilish  instituti “Yoshlar bilan ishlash, Ma’naviyat va ma’rifat bo‘limi”  xodimlari uzoq yillar davomida institutda ishlab bugungi kunda nafaqaga chiqib, keksalik gashtini surayotgan  pedagoglar R.Alimov, N.Boboqandov, T.F.Baratov kabi faxriy ustozlar xonadoniga tashrif buyurib ularning  holidan xabar olishdi.

Musobaqa natijalariga ko‘ra SamDAQI talabalari terma jamoasi faxrli birinchi o‘rinni qo‘lga kiritdi.....

2018 yil 19 dekabr kuni 2-son talabalar turar joyida xotin-qizlar qo‘mitasi institut boshlang‘ich tashkiloti faollari tomonidan tashkil qilingan “Yangi yil zavqi” nomli bayram tadbiri bo‘lib o‘tdi..

Davlat va jamiyat boshqaruvida ham, biznesni taraqqiy ettirishda ham, umuman, barcha soha rivojida salohiyatli yoshlar muhim o‘rin tutadi. Yangidan-yangi tashabbus-g‘oyalarni ilgari surish, zamonaviy ish yuritish uslublarini joriy qilishda ana shu qatlamning nuqtai nazari va sa’y-harakatlari alohida ahamiyat kasb etadi. Shu bois bugungi kunda yurtimizda zamonaviy bilim va ko‘nikmalarga ega, mamlakatning munosib kelajagi uchun javobgarlikni o‘z zimmasiga ola biladigan, intiluvchan va serg‘ayrat yoshlarni tarbiyalashga alohida e’tibor qaratilmoqda.

Respublikamizda yoshlarning ijtimoiy-ma’naviy bilimlarini yanada mustahkamlash va amaliy ko‘nikmalarini rivojlantirish, mamlakatimiz ijtimoiy hayotida amalga oshirilayotgan islohotlarni tushuntirish, iste’dodli yoshlarni aniqlash, jamiyatdagi ijtimoiy faolligini oshirish hamda yoshlarni Vatanimiz, xalqimiz, milliy qadriyatlarimiz, tarixiy-ma’naviy merosimizga hurmat va sadoqatli qilib tarbiyalash, ularning bo‘sh vaqtlarni mazmunli tashkil etish, ijodiy salohiyatlarini va o‘z iste’dodlarini namoyish etishda quvnoqlar va zukkolar ko‘rik-tanlovi alohida ahamiyatga ega.