HURMATLI HAMKASBLAR VA AZIZ TALABALAR!
#tabriknoma

Mana yana bir yilni ortda qoldirib, 2022 yilni yangi umidlar bilan kutib olish arafasidamiz. Yangi 2022 yil oldimizga qo‘ygan maqsadlarimizga erishish va ularni muvaffaqiyatli amalga oshirish uchun yangi imkoniyatlar yili bo‘lsin. 2022 yilda ham faqat yorqin kelajak sari qadam tashlab, institutimizning muvaffaqiyati bilan Yangi O‘zbekiston rivoji yo‘lida muhim ishlarni amalga oshirishimizga chin dildan umid qilaman.

#safar

Mirzo Ulug‘bek nomidagi Samarqand davlat arxitektura-qurilish instituti rektori Chidem Janbay Turkyilmazning 2021 yil 31 dekabridan  2022 yil 5 yanvar kuniga qadar Turkiyaning Istanbul shahriga xizmat safari belgilangan.

#suhbat

2021 yil 3 noyabr kuni institut faollar zalida 2-sonli va 4-sonli talabalar turar joyida yashaydigan talaba qizlari bilan “Xotin-qizlar huquqi-davlat himoyasida” mavzusida tadbir boʻlib oʻtdi. 

#yoshlar_masalasi #majlis

Joriy yilning 2 noyabr kuni Mirzo Ulugʻbek nomidagi Samarqand davlat arxitektura-qurilish instituti Yoshlar masalalari va maʼnaviy-maʼrifiy ishlar boʻyicha prorektor O.Xaitov boshchiligida maʼnaviy-maʼrifiy ishlar samaradorligini oshirishga qaratilgan yigʻilishi boʻlib oʻtdi. 

#suhbat

Mirzo Ulug‘bek nomidagi Samarqand davlat arxitektura-qurilish instituti “Qurilishni boshqarish” fakulteti talaba yoshlari va “Hayot faoliyati xavfsizligi” kafedrasi o’qituvchilari o‘rtasida “Is gazining zararli holatlari va uni keltirib chiqaruvchi omillar” mavzusidagi davra suhbati bo‘lib o‘tdi.

#uchrashuv

2021 yil 29 oktabr “Qurilish” fakulteti talaba qizlari bilan “Barkamol qizlar tarbiyasi” mavzusida tadbir boʻlib oʻtdi. Tadbirda xotin-qizlar maslahat kengashi raisi M.Boboqulova, fakultet dekani A.Bayzakov, dekan oʻrinbosarlari B.Rasulov, A.Kamolov, fakultet xotin-qizlar maslahat kengashi yetakchisi N.Shodmonqulova qatnashdilar.

Mirzo Ulug‘bek nomidagi Samarqand davlat arxitektura-qurilish instituti 1-sonli talabalar turar joyida 2021 yilning 31 oktabr kuni “Sen hech kimdan kam emassan” shiori ostida institut psixologi S.Otayorov tarbiyachi-pedagog A.Tursunovlar birgalikda TTJda turadigan ijtimoiy himoyaga ehtiyoji bor talabalar bilan, ularning muammolarini, takliflarini, qiziqishlarni o‘rganish va o‘z maqsadlariga yo‘naltiradigan kerakli maslahatlar berish maqsadida ko‘tarinki va samiy ruhdagi individual suhbatlar o‘tkazildi.

Bugun Mirzo Ulug‘bek nomidagi Samarqand davlat arxitektura-qurilish institutida DTM tomonidan qo‘shma ta’limda tahsil olishni istagan talabgorlar o‘rtasida rus-tili fanidan test sinovlari bo‘lib o‘tdi.

Abituriyentlar ushbu test sinovlaridan so‘ng yakuniy imtihon javoblari e’lon qilingach qo‘shma ta’lim dasturlari doirasida o‘qishga qabul qilinadilar.

Joriy yilning 21-22 oktabr kunlari Toshkent arxitektura-qurilish institutida texnika fanlari doktori, professor Rasulov Xayot Zoirovich xotirasiga bag‘ishlangan «Современные методы и технологии геотехники и фундаментостроения в решении проблем прочности, устойчивости и сейсмостойкости сооружений» mavzusidagi Xalqaro ilmiy-amaliy konferensiyasi bo‘lib o‘tdi.

#tabriknoma

O‘zbekiston transport, yo‘l va kapital qurilish, qurilish industriyasi xodimlari kasaba uyushmasi Respublika Kengashi tomonidan “Yurt taraqqiyoti yo‘lida bisrlashaylik” shiori ostida o‘tkazilgan “Eng namunali boshlang‘ich tashkilot” ko‘rik-tanlovining Respublika bosqichida kasaba a’zolar soni 100 nafardan ko‘p bo‘lgan tashkilotlar orasida Mirzo Ulug‘bek nomidagi Samarqand davlat arxitektura-qurilish instituti boshlang‘ich tashkiloti 1-o‘rinni egalladi va I darajali diplom hamda esdalik sovg‘alari bilan taqdirlandi.