DIQQAT E’LON! #konferensiya
08-03-2022
DIQQAT E'LON! ILMIY SEMINAR
12-11-2021
DOKTORANTURA 2022 IMTIHON GRAFIGI
08-11-2021
2018-yil 10 noyabr kuni Italiyaning Neapol shahridagi “Luidji Vanvitelli” universitetining professorlari Serxio Sibasio va Luidji Maffeylar Samarqand davlat arxitektura qurilish institutiga “Zamonaviy arxitektura-qurilish va dizayn” masalalari bo‘yicha o‘zaro tajriba almashish maqsadida tashrif buyurishdi.
Dastlab institut rektori S.I.Axmedov bilan xorijlik professorlar o‘rtasida uchrashuv o‘tkazildi. Uchrashuvda kelgusida ikki tomonlama aloqalarni o‘rnatish, ilmiy anjumanlar, seminarlar, master klasslar tashkil etish, professor o‘qituvchilarning malakasini oshirish borasida kelishib olindi.
Shundan so‘ng Samarqand davlat arxitektura-qurilish institutining faollar zalida O‘zbekiston-Italiya tajriba almashish seminarining ochilish marosimi bo‘lib o‘tdi. Seminarda institut prorektorlari, barcha fakultet dekanlari, professor-o‘qituvchilar va arxitektura fakultetining dizayn yo‘nalishi talabalari ishtirok etishdi. “Luidji Vanvitelli” universitetining professorlari Luidji Maffey va Serxio Sibilio hamda Samarqand davlat arxitektura-qurilish instituti professori Uralov Aktam Sindarovich seminar ishtirokchilariga mahorat darsi o‘tib berdi.Umuman olganda, O‘zbekiston Respublikasi Qurilish vazirligining tashabbusi asosida xorijlik professor o‘qituvchilarning institutimizga tashrif buyurishi, mahorat darslarining tashkil etilishi ta’lim samaradorligiga kuchli ta’sir etadi va talabalarning zamonaviy bilim va ko‘nikmalari rivojlanishiga olib keladi.
