DIQQAT E’LON! #konferensiya
08-03-2022
DIQQAT E'LON! ILMIY SEMINAR
12-11-2021
DOKTORANTURA 2022 IMTIHON GRAFIGI
08-11-2021
Yangi yil arafasida Samarqand davlat arxitektura qurilish instituti ilmiy kengashining navbatdagi yig’ilishi bo’lib o’tdi. Yig’ilishni Ilmiy kengash raisi, institut rektori S.I.Axmedov ochib berdi. Ilmiy kengash boshlanishi oldidan barchani Yangi yil bilan tabriklab, ilmiy kengashni institut jamoasi uchun yaxshi xushxabar bilan boshladi. “Landshaft dizayni va interier” kafedrasi professori E.Muhammadiyev va o’qituvchilar Sh.Tug’izov, K.Yunusovlar hammuallifligida “Dizayn” yo’nalishi talabalari uchun mo‘ljallangan “Dizayn” nomli o‘quv qo‘llanmasiga Oliy va o‘rta maxsus ta’lim vazirligining 2018 yil 7 dekabrdagi 1000- sonli buyrug‘iga asosan nashr ruxsatnomasi berilganligi bilan qutladi. Bundan tashqari “Oliy ta’lim muassasasining eng yaxshi pedagogi” tanlovining institut va Respublika bosqichida “Innovatsiya va axborot–texnologiyalarini qo‘llaydigan eng yaxshi pedagog” nominatsiyasi bo‘yicha: “Arxitektura va qurilish” ta’lim yo‘nalishi g‘olibi bo‘lgan O. Otamurodovga faxriy yorliq topshirildi. Shundan so’ng kun tartibiga kiritilgan quyidagi masalalar ko’rib chiqildi:
1. Institutda 2018 yilda bajarilgan ilmiy-tadqiqot ishlarining yakunlari va 2019 yildagi vazifalar haqida. Ma’ruzachi ilmiy ishlar va innovatsiyalar bo‘yicha prorektor E.X.Isakov;
2. Institutda ma’naviy – ma’rifiy va tarbiyaviy ishlar sohasida 2018 yilda amalga oshirilgan ishlar va 2019 yildagi vazifalar haqida. Ma’ruzachi yoshlar bilan ishlash bo‘yicha prorektor O.B.Xaitov;
3. Institutda a’lochi va iqtidorli talabalar safini kengaytirish yuzasidan olib borilayotgan ishlar va kelgusi vazifalar haqida. Ma’ruzachi iqtidorli talabalar bilan ishlash bo‘limining boshlig‘i F.Qosimova;
4. Kafedralardagi bo‘sh o‘rinlarga tanlov masalasi;
5. Turli masalalar.
Shundan so‘ng kun tartibida belgilangan turli masalalarda o‘quv yilida institutimizning M.M Yakubov, S.E Kurtametov, U.U Qurbonova, S.N.Sodiqova kabi o‘qituvchilari xorijiy oliy o‘quv yurtlarida malaka oshirib qaytishgani haqida qisqacha hisobot qilishdi.Yig‘ilish so‘nggida kun tartibida belgilangan masalalar bo‘yicha qarorlar qabul qilinib mutassadilarga kerakli topshiriqlar berildi.
