E'LONLAR

“Jinsiy aloqa orqali yuqadigan teri va tanosil kasalliklari” mavzusida suhbat o‘tkazildi

2016 yil 12 aprel kuni  institut faollar zalida “Sog‘lom ona va bola yili” ga bag‘ishlab “Jinsiy aloqa orqali yuqadigan teri va tanosil kasalliklari” mavzusida suhbat o‘tkazildi. Suhbatni Samarqand davlat tibbiyot instituti “Teri va tanosil kasalliklari” kursi assistenti Kamolov Ilyos Samsiddinovich olib bordi. Suhbatda 300 dan ziyod talabalar ishtirok etishdi. O‘tkazilgan suhbatda quyidagilar ta’kidlandi.

Hozirgi vaqtda  jinsiy  yo‘l orqali  yuquvchi  kasalliklarning  20 dan ziyod quzg‘atuvchisi ma’lumligi,  bunday kasalliklar yuqori darajada ahamiyatga ega bo‘lgan ijtimoiy kasalliklar hisoblanishi,  bu ularning  nafaqat keng tarqalganligi,  balki  bemor organizmi uchun ham,  umuman jamiyat uchun ham  og‘ir asoratlar  berishi  tushuntirildi.

Bunday  kasalliklarni  yuqtirish  yoshlar  o‘rtasida ortib borayotganligi,  kasalliklarni  yuqtirib, noto‘g‘ri davolanish, chala  davolanish  natijasida  bepushtlik  muammolarining  ko‘payib  borayotganligi  aytib o‘tildi.

Shu bilan birga  talabalarga  bunday  kasalliklarni  yuqtirmaslik  uchun  sog‘lom turmush  tarziga amal qilish,  muntazam sport bilan  shug‘ullanish,  bo‘sh  vaqtni  mazmunli o‘tkazish  kerakligi  o‘qtirildi.


© 2024 www.samgasi.uz